Login
Koha
| Sami Kurteshi |
|
Sami Kurteshi u lind më 05/06/1960 në Gjilan. Ai ka qenë Ombudsmani i parë i zgjedhur nga Kuvendi i Kosovës më 4 korrik 2009 me një mandat pesëvjeçar. Për shkak të rrethanave politike në Kosovë, pas demonstratave të vitit 1981, në të cilat z. Kurteshi ka qenë pjesëmarrës aktiv, ai emigroi në shtete të jashtme. Pasi që u kthye, ai u arrestua për shkak të aktiviteteve të tij nga Qeveria dhe u dënu me 9 vite burg, të cilat i vuajti në burgun e Beogadit dhe Pozharevcit. Pas lirimit nga burgu në vitin 1991, ai u punësua në Këshillin për Mbrojtjen e Lirive dhe të Drejtave të Njeriut – KMLDNJ në Prishtinë si redaktor i publikacioneve. Ai ka qenë anëtarë i KMLDNJ-së dhe kryesues i Këshillit Qëndror të KMLDNJ-së gjatë viteve 1992-1995, derisa gjatë viteve 1995-1996 ishte sekretar i përgjithshëm i KMLDNJ-së. Në periudhën 1992-1996 ishte pjesëmarrës i rregullt i Komisionit në Nën-komisionin për të drejtat e njeriut në Gjenevë dhe bashkë-autor i një rezolute të Komisionit për Kosovën. Ai diplomoi në fakultetin teknik dhe në gjuhën dhe letërsinë angleze të universitetit të Prishtinës. Kurse gjatë viteve 2000-2001, studioi shkencat politike, sociologjinë dhe të drejtën ndërkombëtare në universitetin e Cyrihut. Në vitin 2006 ai merr titullin magjistër i shkencave poltike (Magjistër i Arteve). Ka punuar në institucione të rëndësishme shtetërore në Zvicër, ku në periudhën prej 1997-2001 ishte bashkëpunëtor i Organizatës Zvicerane për Refugjatë (Schweizerische Flüchtlingshilfe SFH). Kontribues i televizionit shtetëror zviceran SF1. Gjatë viteve 1999-2005 ishte bashkëpunëtor dhe udhëheqës i kurseve të ndryshme profesionale për bashkëpunëtorët e Organizatës Zvicerane për të Drejtat e Njeriut dhe Refugjatë: HEKS, SAH dhe SRK. Nga viti 2003 ishte pedagog privat në Qendrën Zvicerane për Edukim të personelit të burgjeve në Zvicër (Schweizerische Ausbildungszentrum fuer das Strafvollzugspersonal - SAZ) në Friburg. Mr. Kurteshi është autor, bashkë-autor dhe botues i disa publikimeve, analizave dhe raporteve të ndryshme. Ai përktheu dhe botoi dy libra në gjuhë të ndryshme (gjermanisht-shqip dhe anasjelltas). |
Ličnosti
