|
Dragan Millosheviq u lind më 12.01.1952, në Beograd – Serbi.
Është këshilltar i drejtorit të përgjithshëm të ndërmarrjes private „Alliance BK Group“, e po ashtu edhe kryetar i këshillit ekzekutiv të Këshillit Kryesor të Lëvizjes së Forcës së Serbisë – Bogolub Kariq.
Më heret ka qenë i angazhuar në entin Hidrometerologjik në disa pozita të ndryshme dhe atë si: bashkëpunëtor i pavarur profesional, shef i seksionit për kualitet të ajrit dhe ndikim artificial në mot, shef i laboratoriumit, kryetar i komisionit federativ hidrometeorologjik dhe nën-kryetar i komisionit federativ hidrometeorologjik për mbrojtje të ambientit jetësor. Ka qenë drejtor i marketingut në shkritoren artistike „Voždovac“, Beograd; pronar dhe drejtor i firmës „Best invest“, Beograd; bashkë-pronar dhe drejtor i firmës „Euroconnect“, Beograd; anëtar i këshillit komunal të KK Çukaricë; anëtarë i Këshillit Drejtues të „ujësjellësit dhe kanalizimit të Beogradit“.
Funksionet politike: anëtarë që nga formimi (1990) deri në vitin 1997 të partisë më të fuqishme opozitare në Serbi gjatë kohës së rexhimit të Millosheviqit – Lëvizjes Serbe të Rezistencës (SPO), udhëhoqi punët e organizimit dhe marketingut në Këshillin SPO-së të qytetit të Beogradit, kandidat për deputet i DEPOS-it në zgjedhjet e vitit 1993, pjesëmarrës i demonstratave të nëntë marsit, kuvendit të Vidovdanit në vitin 1992, si dhe të gjitha protestave dhe aktiviteteve të opozitës në periudhën kohore 1990-1997. Anëtar i shtabit për formimin e „Zajedno“ (së bashku) (SPO-DS-GSS). U largua nga SPO-ja pas prishjes së koalicionit „Zajedno“ në vitin 1997.
Themelues (më 22.12.1997), sekretar i përgjithshëm dhe kryetar i organizatës politike „Srbija zajedno“ (Serbia së bashku) (Serbia dhe diaspora), e cila u integrua në „Lëvizja Fuqia e Serbisë-Bogolub Kariq“ më 2004.
Fitues i falënderimeve dhe mirënjohjeve nga Komiteti Organizativ i Olimpiadës së XIV dimërore në Sarajevë, aeroportit të Sarajevës, REIK „Kollubara“, kurse pllaka nga mihja sipërfaqësore „Šikulje“ Likavac te Tuzlla, dhe nga „Makpetrol“ Shkup. Punimet më të rëndësishme profesionale janë: „Mundësitë e shrytëzimit të pajisjeve të RHMZ-së për nevoja të mbrojtjes së ambientit jetësor“, Këshillimi për pajisjet dhe inxhinieringun për mbrojtjen e ambientit jetësor, Beograd 1998; „Karakteristikat dhe matjet me dhomën izotermale“, Konferenca ndërkombëtare për fizikën e reve, Mavrovë-Maqedoni, 1991; “Emisioni i materieve të dëmshme nga objektet termoenergjetike dhe kualiteti i ajrit në qytetin e Beogradit“, Këshillimi për kualitetin e ajrit, Beograd, 1991...dhe shumë punime tjera profesionale, kurse ka qenë pjesëmarrës në disa projekte të mëdha.
Ka kryer fakultetin e shkencave natyrore në Beograd, dega për kiminë fizike dhe kreu specializimin në fushën e ndikimit artificial në mot (Universiteti Utah, Salt Lake City, SHBA), 1980-1982.
Është i martuar me Gordanën dhe i ka dy djem.
Ish sportist i rangut federativ (basketboll), përveq shkencës, sportit dhe politikës, ai është adhurues i madh i muzikës.
|
