Transmenu powered by JoomlArt.com - Mambo Joomla Professional Templates Club

Momçillo Trajkoviq, i lindur më 05.11.1950 në Çagllavicë, Serbi.

Kryetar i Lëvizjes Serbe të Rezistencës – lëvizjes demokratike që nga themelimi në vitin 1997 dhe drejtor i përgjithshëm i kompanisë bujqësore RATAR (Lavërtari) në Laplasellë. Po ashtu, është nënkryetar i Lidhjes së Shahistëve të Serbisë nga viti 2005.

Disa nga funksionet e rëndësishme që kreu janë: bashkëpunëtor profesional dhe këshilltar i sekretarit krahinor për punë të Krahinës Autonome të Kosovës dhe Metohisë, 1978-1986; Sekretar ekzekutiv i komitetit komunal të Lidhjes Komuniste të Prishtinës, 1986-1990; Anëtar i Komitetit Qëndror (CK) të Lidhjes së Komunistëve (SK) të Serbisë, 1988-1990; Nënkryetar i Qeverisë së Serbisë, 1990-1991; deputet në Kuvendin e Serbisë për dy mandate, 1991-1993, 2001-2003; gjatë viteve 1987 deri 1990 ka qenë njëri nga bashkëpunëtorët më të ngushtë të Sllobodan Millosheviqit dhe njëri nga themeluesit e SPS-së. Në vitin 1992 ra në konflikt me politikën e Millosheviqit dhe është bashkëpunëtori i parë i tij që u largua sepse nuk u pajtua me politikën e tij ndaj Kosovës dhe demokratizimit të mëtejmë të Serbisë.

Kryetar i këshillit për Kosovë dhe Metohi në Kuvendin e Serbisë për dy mandate, 1991-1993, 2002-2003; Kryetar i Komitetit Federativ për Kosovë dhe Metohi në Qeverinë e Republikës Federative të Jugosllavisë gjatë vitit 2001; Anëtar i Kryesisë së Opozitës Demokratike të Serbisë –DOS (bashkëpunëtor i afërt i Zoran Gjingjiqit) 2000-2003; së bashku me Peshkopin Artemije është autor i alternativës demokratike ndaj politikës së Millosheviqit në Kosovë dhe Serbi; është anëtarë i Këshillit Shtetëror të Serbisë për Kosovë dhe Metohi, 2005-2007; anëtarë i kryesisë së Komitetit Olimpik Jugosllav (JOK), 1990-1992.
Ka shkruar publikacionet “Pse Kosova nuk mund të bëhet republikë” në vitin 1984, “Problemet e punëtorëve në diasporë dhe mundësia e kthimit të tyre në Kosovë” 1987; Shkroi fejtonin politik, “Kosova shkëlqimi dhe mgrysja e politikës serbe” 1992; dhe librin në vitin 2007 “Kosova mision i (pa)mundur”.
Ka kryer fakultetin juridik në Prishtinë. Është i martuar, ka tre fëmijë dhe tre nipa.
Hobi e ka shahun, pingpongun, muzikën, veçanërisht atë etno dhe anon për Cërvena Zvezdën.
Kontakti: Kjo Adresë e Postës Elektronike është e mbrojtur nga reklamat e pa dëshirueshme.Ju duhet JavaScript e lejuar për ta shikuar atë